【冒險王衛斯理】余文樂演衛斯理觀眾唔受  網友:這也太難看了

撰文:鄺鈺瑩
出版:更新:
林家棟於劇中飾演的支離人,邪惡又陰危,同文凱玲飾演的奸角會有感情戲,唔少觀眾睇完都大讚二人的感情戲夠虐心。

王晶首與愛奇藝合作,拍攝網劇《冒險王衛斯理之支離人》,故事雖然話係改編自倪匡的科幻小說《衛斯理系列》,但作品上架後,唔少內地觀眾都表示劇集除了有個叫衛斯理的男主角外,內容幾乎同小說毫無關連,單係首集講及衛斯理的父母是考古隊,在挖墳墓時因回答問題出錯而被擄走,兒幼的衛斯理只能獨自離開埃及的情劇,就已經狗屁不通,唔少觀眾都認為「王晶出品,必是渣品」。至於在豆瓣方面,劇集雖然已播出10集,但就暫時仲未有任何評分,有網民直指「不一定非得完全按照原著拍,拍出精髓很重要。但這也太難看了。」除了鬧爆王晶外,對於余文樂飾演衛斯理一角,觀眾亦似乎唔多賣帳,更指吳奇隆03年的《少年王》才是經典。

【冒險王衛斯理】倪匡重談創作《支離人》:細個好鍾意睇中國神話

【冒險王衛斯理】胡然演白素身材超誇張 王晶御用女郎性感是常識

家棟於劇中成日都會自動拆件。

其實多年來,「衛斯理」多次被拍成電影或電視劇,而今次王晶監製的《冒險王衛斯理之支離人》,更齊集任達華、林家棟、余文樂,而且亦分別去到日本、埃及取景,絕對係高成本製作。之前林家棟曾經話過自己在劇中絕大部分時間都同綠布幕做戲,CG非常多,令他曾經都擔心過效果會是如何,劇集播出之後,觀眾雖然對王晶唔賣帳,但都大讚後製甚為出色,特別係家棟這支離人每次「甩手甩腳」時,未有太膠的感覺,CG部分算是為劇集挽回不少分數。但《冒險王》尚有第二部未播出,而觀眾反應又如此一般,看來王晶要諗諗計了。

吳啟華同陳法蓉飾演衛斯理的父母,網民投訴二人戲份太少。
樂少飛車出場,好似好型咁……