【港女講感情】41歲大S追到仔都要再懷孕？ 呢種生仔觀念先最錯
撰文：李妍樺
出版：更新：
前排大S突然癲癇症復發暈低，大家都估佢係咪因為之前減肥過度，成日唔食夜晚飯捱壞身體，但點知今日劇情大逆轉，原來係因為41歲高齡產婦大S又有咗，咩話？大S唔係上2年追到個囝喇咩，點解仲要生？你話小S連生3個囡就過怕咗阿奶奶，要傳宗接代，追個「臍菇丁」啫，有錢人嘅嘢真係好難明，唔係要有個男丁繼承家產就夠咩，總係要係咁生，越多越好，好似千億新抱徐子淇咁，35歲已經生咗4個，絕對仲有空間追多5、6、7個……
【港女講感情】阿嬌鍾欣潼認愛賴弘國 有錢有樣邊使人「埋單」？
41歲高齡產婦大S懷上第3胎。（網上圖片）
+3
利申，絕對唔認同女人係生囝機器，更加唔存在咩重男輕女，同樣係自己嘅親生骨肉，男同女都一樣咁珍貴。你睇人哋碧咸生咗3個囝，個個都好似Model咁，名牌Burberry、Adidas爭住搵佢哋拍廣告，行Catwalk，大囝Brooklyn仲Chloe Moretz多次離離合合，好似個星咁。但成家人最自豪嘅唔係3個囝而係最細嘅Harper Seven。碧咸囡嘅新聞大家都肯定聽過，一出世之後幾乎冇落過地，由3個阿哥加廿四季老豆碧咸24小時抱住佢，公主咁，碧咸為咗氹囡囡開心，用咗成個星期去砌個迪士尼城堡Lego，真係這些機會，所以你話生囡唔值租咩？
碧咸與女兒哈七感情很好，父女來個情深一吻。（碧咸fb圖片）
+1
依家咩年代啊？都2018啦，雖然真普選就未必等到，但呢個觀念真係要改，女人係生囝機器，個個都搵命搏，一個唔覺意，真係未必大細都保得住。仲有阿，你懷胎10月係幾咁辛苦，孕吐唔再講，連趴喺度瞓都唔得，成日都聽人講撞到腳指尾係人生最痛，講嗰個肯定未生過仔。
如果一個女仔肯為你生兒育女，佢就好似拎條命同佢以後的人生押喺你身上，係一場人生最大的賭博！
男又好，女又好，都係爸爸媽媽心目中最重要的寶貝。（網上圖片）