【三個女人】20集刪剩18集 黃智雯披露被刪場口
撰文：冼燕珊
出版：更新：
TVB劇集《三個女人一個因》日前已經全部播放完畢，題材新穎，加上黃智雯（Mandy）同袁偉豪演技有突破，因此大獲好評，連內地都有唔少觀眾留意，仲一度衝上微博熱搜榜第18位。劇集播完有好多網民都表示唔捨得，加上原本劇集長20集，但慘被剪剩18集，有人大叫「還我兩集來。」
《三個女人一個因》已經播完，但原本20集嘅劇情被刪減至18集，網民嫌唔夠喉。（網上圖片）
《三個女人一個因》在內地同樣大受歡迎，一度衝上微博熱搜榜第18位。（網上圖片）
《三個女人》監製潘嘉德接受《香港01》訪問，表示好開心有咁多觀眾支持這部劇集，他說刪減劇情是公司決定，但大家也不用灰心，因為TVB已經聽到觀眾訴求，並作出相應安排。《三個女人一個因》將於「myTV SUPER」上足本播放，大家到時又可以重溫劇集喇！
《三個女人一個因》將於myTV SUPER上足本播放，各位觀眾可以重溫劇集喇！（IG圖片)
Mandy接受《香港01》訪問，都話覺得劇情被刪減，感到有點可惜！「對於我嚟講，對呢套劇每一場，每一個細節我都好深刻，我都好喜歡。」Mandy仲透露咗一啲佢有好深印象，而又沒有播放的場口：「方以因寫信畀愁擘擘，觀眾唔知道愁擘擘有無睇到信，但其實愁擘擘係有睇到信，其實呢場戲亦係交代咗愁擘擘開始妒忌方以因同阿佳嘅導火線。仲有ending除咗同阿Ben喺天台kiss戲，其實仲有另外一場kiss戲都係無播到嘅！其他場口就係愁擘擘同阿佳一啲好sweet嘅相處片段，同埋一啲娛樂性豐富嘅場口。」
網民大讚Mandy神複製飾演方以因童年嘅童星喊法。(IG圖片)
Mandy說有刻意模仿童星喊法。(影片截圖)
Mandy於劇中演技大爆發，獲得一致好評！有網友仲大讚Mandy「神複製」飾演佢嘅童星（錢悅）嘅喊法，就連喊聲都一樣，Mandy都話佢其實有刻意模仿錢悅小朋友點喊：「愁擘擘嘅回憶都係停留喺童年時，所以佢係三個人格之中，相對年紀比較細，所以在處理一啲喊戲嘅時候，會直接表達自己嘅情感，同大人嗰種喊法有分別，最後一場攬住媽咪嗰場戲，拍嘅時候先拍咗童星，我有在旁邊觀察個童星嘅演法，所以個喊法同埋感覺都同個童星相似。」
+6