【棟仁的時光】楊潮凱偷一次時間花費十萬：當時幾有偷情感覺
撰文：鄺鈺瑩
出版：更新：
去完紐約讀電影課程之後，楊潮凱說其實仲好想有第二次，不過對現在有女有老婆又有份工的他來說，怕且呢個時間並不易偷。
無綫新劇《棟仁的時光》講述男主角袁偉豪擁有「偷時間」的能力，論到偷時間（唔係偷情），相信好多人都試過，特別係男仕們想同老友摸吓酒杯底時，明明放早都會同另一半講話要OT。劇中慘被唐詩詠甩底結婚的楊潮凱，現實中雖然係絕世好老公一名，但原來佢都有試過偷時間，如今舊事從提，他也仍在回味中，更表示：「當時都幾有偷情感覺。」
「啲老師真係好勁，兩三句我就會get到自己想要的東西。」回港後，楊潮凱繼續有修讀相關課程，不過他說始終要拍劇，所以時間上比較難遷就。
楊潮凱以又悶又唔鍾意飲酒形容自己，加上同老婆乜都會講，所以根本沒有需要偷時間，不過，他說著說著就想到自己2015年曾到紐約讀書。「那時去了讀一個月的film actiing，試想一下，我有份工，要同公司請一個月假，而當時又結咗婚，其實都幾任性，老婆有微言，但因為我真係好想去嘛，咁佢都無辦法。」求學時期已對拍攝、演戲極感興趣的楊潮凱最終跟公司請假後起行，而在飛往紐約前，他更走了一轉墨西哥，咦！又話去讀書？「我想去睇馬雅金字塔嘛，呢啲地方真係一生都未必會去，咁我見順路咪飛去墨西哥先囉，嗰幾日真係好開心。」偷時間不就是為了開心嗎？
剛成為新手爸爸的楊潮凱，最近除忙住湊女，亦開始準備自己執導的電影，6月將會拍攝大台新劇，角色更是從未嘗試過的。(ig圖片)
偷時間到紐約後，楊潮凱每日都朝九晚六上堂，其實都幾辛苦。「始終英文唔係母語，所以分析劇本時需要更多時間去查字典，其實係好攰，但到依家我都係覺得好值。」呢個偷時間之旅，楊潮凱大概花了十萬元，聽落都幾重皮，但都係嗰句，佢擁有了快樂同知識。「有啲嘢你明知唔可以做，但都要去做，就好似我去讀書咁，依家講起都覺得好有偷情感覺。」
於劇中被唐詩詠甩底的楊潮凱，問到之後會否被分手，為免劇透太多，他說接下來將會以另一個形式出現。