崔建邦同林姍姍細女分手 4個月　即撻着29歲港大畢業新歡

一向感情生活非常精彩嘅崔建邦（Amigo）去年同林珊珊細女李怡（野人）分手後，早前被傳同５２歲陳雅倫拍拖，不過原來是煙幕，今日有報導影到Amigo同長髮新歡行街拍拖。而這位疑似新歡就叫Jessica，今年２９歲，同崔建邦一樣是中韓混血兒，中學就讀香港名校拔萃女書院，於香港大學畢業。呢位Jessica五官標緻，於中學都幾受歡迎，仲係跳舞學會嘅會長，更不時上載同家人嘅合照上社交平台。

另外，原來佢細佬仲係香港劍擊代表隊成員崔浩然，更參加過2012年倫敦奧運，喺劍壇都有好多唔錯嘅成績，靚靚仔仔被譽為劍壇花美男，仲同韓團GOT7香港成員王嘉爾好friend添！