【開心速遞】Mandy爆護膚秘技：炸嘢、肥肉、紙包飲品全部唔食
撰文：林通賢
出版：更新：
《開心速遞》粉絲必博思mandy，每次出場必定收視爆升。（網上截圖）
《開心速遞》每次有博思（馬貫東飾）同Mandy（謝芷倫飾）出現的集數，必定在討論區洗版，因為二人談情戲份相當生活化，容易引起網友共鳴，週四（19日）那集，講Mandy怕博思見到她的素顏，要左閃右避，最後當然博思不介意啦，劇情當然輕輕鬆鬆，但大家最期待看到Mandy的素顏，可惜在鏡頭前沒有出現，但謝芷倫接受《香港01》訪問，表示自己絕不介意人見到她的素顏，她說：「如果唔駛拍劇，我係唔會化妝。」
謝芷倫表示一星期一定至少運動一次，不過多數唔化妝。
「我習慣唔返工就唔化妝，我啲朋友見慣咗我唔化妝嗰樣，反而佢哋睇《開心速遞》覺得我化得好濃，覺得我年紀比真實太幾年囉，都有網民喺街見到我冇化妝，仲話好親民呀，哈哈。」夠膽素顏至少皮膚一定要好，謝芷倫亦有獨門護膚心得：「我好少飲凍嘢，三十幾度咁熱，我都唔會飲凍嘢，係咪好養生呢？熱飲亦唔會加糖，唔鍾意食炸嘢，肥肉都唔食，零食、紙包飲品都唔飲，唔係戒，係真係唔鍾意食。」想不到Mandy已經懂得養生，一眾電視台姐仔真的要學習下。
【絕世好女友】謝芷倫慳家又體貼 連潮州功夫菜「反沙芋」都識煮
【開心速遞】演拜金女Mandy入晒血 謝芷倫其實好樸素：唔好名牌
Mandy原來護膚秘密，就係每日袋定一枝500毫升的水，一日去水機斟10次左右。
不過Mandy手袋必備一枝水，她表示就係靠它護膚，她說：「我以前有個水壺，但唔見咗，而家就用水樽囉，大約500毫升，我會斟１０次左右，因為廠出面有水機，好方便，我要飲好多水先得，試過連續拍幾場冇飲水，即刻喉嚨痛。」
+5