【三個女人一個因】黃智雯性感演出被刪 有足本睇番：我身材OK啦
撰文：賴家杰
出版：更新：
黃智雯（Mandy）今日聯同最近人氣急升嘅「送水輝」許家傑，以健康，性感的沙灘造型一齊出席品牌活動，更在活動中擔任模特兒。
早前熱播劇集《三個女人一個因》，被指原本會播岀20集，但結果刪減劇情得番18集，令到觀眾不停追問嗰兩集嘅劇情到底發生咩事？Mandy都表示知道呢件事：「其實結局完咗之後一直都有好多觀眾問點樣可以睇番足本版，佢哋都send信去公司，到話希望可以睇足本版，直至前兩日終於收到好消息，終於會放咗上架喇。」
黃智雯聯同許家傑一起岀席品牌活動。（陳順禎 攝）
對於足本版同刪減版當中會有咩分別，相信大家都想知道，問到Mandy有咩唔同，佢就回答：「除咗有豐富娛樂性嘅戲份被刪減之外，更加有部分係自己嘅性感演出，咁大家之後可以原汁原味咁睇番喇。」Mandy的性感演出終於可以重見天日，相信觀眾們都會大飽眼福。至於對自己身材喺咪好滿意，Mandy就笑說：「謙虛少少，OK啦。」
Mandy今日擔任模特兒展示夏天衣著，也十分性感。（陳順禎 攝）
《三個女人一個因》呢套劇對於Mandy嚟講，演技再次被大眾肯定，但唔知道佢嘅另一半又點睇呢？有冇逼男朋友睇哂全劇呢？Mandy回答：「唔好話逼，佢都有追嘅，雖然佢本身就比較忙，少睇香港劇集，但今次呢套佢由頭睇到尾，都係值得一讚嘅，開心事嚟。」
Mandy訪問當中講到得到男友支持，臉上也浮現幸福的樣子（陳順禎 攝）
+4