【逆緣】母子戀劇情正式展開 37歲黎諾懿力追52歲夏文汐

撰文:張嘉敏
出版:更新:
兩個人準備撻着嘅一幕。

無綫劇集《逆緣》昨晚播出的一集,最令人印象深刻的一場戲,相信一定係Gordon (黎諾懿飾) 同翁芷蕎Grace (夏文汐飾) 的那場接吻戲,而呢場戲亦都好有話題性,惹來網民熱烈的討論。大家講的當然不是呢場戲有幾浪漫,幾動人,所講的卻是兩人的年齡差距。現年52歲的夏文汐同37歲的黎諾懿,足足相差了15歲,夏文汐的年紀絕對可以生得出黎諾。兩人在劇中譜出的唔係姊弟戀咁簡單,而是並非人人都可以接受的母子戀。昨晚主要劇情幾乎都是圍繞兩人一段情的發展,仲有不少肉麻深情對白,真係接受能力少些都分分鐘睇到打冷震。

夏文汐今年已經52歲喇。
黎諾懿英雄救美。

夏文汐年輕時曾經是公認的氣質美女,靚得來又好有個性,但人始終會老,這是自然不過的事,任你點keep點保養,都無可能52歲仍可以呈現出青春少艾的美態。不過熟女都有熟女的吸引力,老實講,以52歲來說,夏文汐真是keep得唔錯,就算上了年紀都依然是一個靚女。可是她拍埋落黎諾懿身邊,都真係明顯大了一截,似阿媽多些,要兩人飾演情侶實在有點突兀。加上劇中黎諾懿的角色系出名門有錢有家低,以他的條件想搵咩女朋友都得,竟然會如此迷戀大他咁多的夏文汐,真係無咩說服力,甚至有些牽強。兩人情深咀咀的一幕,更是挑戰大家對母子戀的接受能力,有網民就大呼「好重口味」。

黎諾懿好迷戀夏文汐。

對於觀眾同網民有如此反應,黎諾懿接受電話訪問時表示:「其實大家有呢個反應係我哋預期之內,我之前亦有講過呢套劇有啲劇情係幾重口味嘅。我同導演,仲有Pat姐 (夏文汐) 都有擔心過大家唔會接受到我哋呢條感情線。當日拍呢場戲嘅時候,導演主要係透過意境、氣氛去拍出嗰種感覺,我同Pat姐並無一啲好激烈嘅鏡頭,只係點到即止,並唔係好似啲年輕情侶咁親熱。拍出嚟會效果好靚,又帶啲淒美感。」他仲大讚Pat姐確是keep得好好,他自己拍這場接吻戲也沒有特別準備些甚麼,兩人一take過完成,但就拍了很多個shot。

 

咀咀呢幕唔係人人接受到。

他又預告重口味的劇情陸續有來:「今次我同Pat姐呢一吻只係一個開始,為我哋嘅關係揭開咗序幕,嚟緊仲有啲情節,相信大家會覺得更加重口味,大家拭目以待喇。」雖然他戀上年紀做得自己阿媽的Pat姐不為人所接受,但他表示大家繼續看下去就會明白他為何會這樣:「嚟緊呢7集嘅劇情就會交代,睇完就會明白點解我鍾意Pat姐都唔鍾意林夏薇 (該劇女主角),完全係解釋到嘅,會理解到我為咩會咁做。我同Pat姐呢條線對日後嘅劇情亦有好關鍵嘅影響。」

+4