沙律Kimi同遊台灣出《閨蜜遊記》 沙律：本書主要想sell畀女仔
撰文：林迅景
出版：更新：
沙律（左），Kimi（右）。睇完張相係咪好想去陽光與海灘呢？（Instagram圖片）
沙律（張沛樂 Charlotte）與Kimi兩位女神因為參加ViuTV節目《美選D.n.A.》而認識，之後再做埋好友閨蜜。早前兩位宅男女神更相約一起到台灣嚟個閨蜜遊。她們去了夜市又到了「情人橋」再到「彩虹眷村」，真令人羨慕。不過最為令一眾老男網民哄動的莫非是2人在藍天白雲下，穿著米白色泳衣相擁在一起而拍的照片，真的會令人感到朝氣勃勃以及夏日氣息。沙律更在Instagram上寫道：「不要去羨慕，不要去妒忌，我們的關係已經去到無遮無掩的地步。不要想太多。」
原來旅遊書都可以咁繽紛。（Instagram圖片）
沙律（張沛樂 Charlotte）接受《香港01》訪問時表示，這次旅行是配合新書《閨蜜遊記》的拍攝。「因為之前同Kimi去旅行，傾開同朋友去旅行嘅麻煩事。但係我又同佢幾夾喎，又發現好少書去講同閨蜜去旅行，會同朋友或者男朋友有咩唔同。所以就有個構思去影低兩個閨蜜去旅行會做嘅嘢。」
除咗大家都想睇嘅泳衣，都有好多唔同嘅衣著。（Instagram圖片）
不過沙律和Kimi大部份粉絲都是男性，用《閨蜜遊記》去包裝會唔會唔啱呢？沙律：「其實本書主要想sell俾女仔，但係本身我同Kimi都係男fans比較多，所以希望今次可以吸納多啲女仔。不過我梗係想本身fans繼續支持我哋啦。當然會有一啲相係比較吸睛少少，但係我哋唔係話想出寫真，我哋係想出本旅遊書。我哋會介紹一啲打卡嘅地方，同時再影我哋嘅閨蜜相。」香港人借書借得最多就係日本旅遊書，其實出旅遊書分分鐘好賣過寫真書都唔奇。
+29