田蕊妮凌空摺埋自己踢天花 蕭正楠嚇到爆粗:WTX

撰文:陳栢宇
出版:更新:

當世人都留意住杜汶澤呢幾年愈操愈大隻,開始成個摔角手咁,有冇諗過其實佢老婆田蕊妮其實一啲都唔弱?之前放晒馬甲線自拍相上網嘅阿田就繼續向大家展示力的表現,今次佢就係Gym房大玩高難度動作,雙手捉實支單桿,用腹肌嘅力量摺埋自己,對腳仲差唔多掂到天花板添,相信好多人都做唔到呢個動作,佢仲留言話:「今次試住幾下先!下次再挑戰難啲嘅!」搞到蕭正楠都忍唔住爆粗大讚:「WTX 勁」,阿田睇到佢咁High都有回覆:「咦,呢位同事好激動喎!」非常搞笑。

田蕊妮呢下高難度動作真心唔係幾多人做到,好勁。(影片畫面)