袁偉豪睇戲被指自以為天王巨星兼態度差 深夜於fb發長文平反

撰文:張嘉敏
出版:更新:
袁偉豪睇戲竟然睇到畀人網絡公審。

大家入戲院睇戲時最驚遇到咩人?相信嘈住人睇戲是最犯眾憎的,而袁偉豪 (Benjamin) 昨晚應邀去睇全城期待的Marvel電影《復仇者聯盟3:無限之戰》特別場時,就遇到有人食薯片食得好大聲,嘈住他睇戲,於是就叫對方進食時請細聲一點,誰知竟釀成不愉快事件。當事人同樣也是圈中人,因為非常不滿Ben的言行,在完場時已向Ben揚言一定會將事件放上網,亦即是想公審Ben。事後對方果然說到做到,在自己的facebook發文講番件事,沒開名地批評Ben自以為是天王巨聲唔准人睇戲食嘢,指Ben當時不友善地眼啤啤,且以極差的語氣叫他朋友︰「你細聲啲!」直指Ben的態度極不友善,又叫Ben表演如何食薯片可以完全無聲。

對方狸fb發文聲討Ben。

此Post一出,Ben實在不甘被抹黑,凌晨於facebook發長文交代事件的始末,為自己平反。Ben直認自己就是對方口中所說的「行內人」,他表示歉意之餘亦要澄清自己並沒有用不友善的眼神望著對方:「我只有對著當時正在進食nachos時把包裝發出聲響的那位朋友在他耳邊輕聲説聲:『唔好意思,可否細聲一點?』對方也好合作。可是完場時對方同行的朋友即鬧爆Ben說:「咁X巴閉包場睇戲呀嗎!未聽過人講話睇戲不准進食!什麼大明星!咁X巴閉,點解要攞免費飛睇呀?」更揚言一定會將事件放上網。Ben強調自己並沒有唔准對方進食,只係想對方能為他人設想,進食時細聲一點!讓大家可以專心觀賞電影而已。人哋叫你睇戲細聲啲就叫人包場睇戲,咁同搭巴士嘈住人被人叫細聲啲之後,叫人咁巴閉去搭的士啦,咪一樣。

相信Ben今次覺得好委屈。

以下是Ben的fb原文:

請大家不用猜,這幾位行內人所說的人就是我,本來可以靜心去欣賞一場好戲,但後來變成如此收場要讓幾位同行留下不好印象,要讓大家有個不愉快的晚上,首先我表示歉意!但我要澄清一點,我並沒有用不友善的眼神望著你們,我只有對著當時正在進食nachos時把包裝發出聲響的那位朋友在他耳邊輕聲説聲:「唔好意思,可否細聲一點?」這位朋友就回應我一下並且表現得很合作,直至電影最後出字幕的一刻,這位nachos 先生旁邊的朋友就向我連聲說道:「咁x巴閉包場睇戲呀嗎!未聽過人講話睇戲不准進食!什麼大明星!咁X巴閉,點解要攞免費飛睇呀?」等等⋯⋯人之常情,我當刻真的有點火起,但我只有回頭跟這幾位行內人正面説:剛才真係唔好意思,我已經好有禮貌而且在你耳邊細聲說吧!(沒有讓大家失儀的意思)對方説:得!我一定(將事件)擺上網,總之坐咗係你隔離嘅就唔係二打六!我跟他點頭之後我便跟我幾位圈中朋友離場!

我想再搞清楚一點,我冇唔準你進食!只係想你能為他人設想,進食時細聲一點!讓大家可以專心觀賞電影而已,而且我們都是主辦單位邀請來的賓客更是沒有分高低你我!

最後,我不是想和你們有什麼口舌之爭,只是想為我自己做過的事負上責任,無論你是「行內行外人又或者是什麼人也好」只是希望大家可以説一點道理和給大家一些基本專重,多謝

#假如我是棟仁

#一定會給你一吻

#棟仁的時光

Ben深宵於fb發文吐冤氣。
+1