【01型活墟】毛舜筠支持自閉症兒童：希望大家對佢哋友善啲
撰文：林迅景
出版：更新：
毛舜筠於今屆金像獎憑著《黃金花》奪得「最佳影后」。毛姐在《黃金花》中飾演自閉加中度智障兒子（凌文龍飾）的母親（黃金花）。在戲中毛姐更是演出了「黃師奶」的堅強，令不少觀眾動容。毛姐為了投入角色，更與導演一起探訪自閉症家庭。
毛姐今日現身「01活墟」。（林迅景攝）
毛舜筠（毛姐）接受《香港01》訪問時説：「得獎之後，個心境就係諗親都會笑， 諗下都好開心。但係生活嘅話就冇乜大分別嘅。仍然係有啱嘅劇本同角色，就會考慮拍。都係同以往一樣，譬如我讀完藍帶之後，我都會煮嘢，冇乜大分別。」
唔只拍戲，毛姐自己平時都都關注自閉症家庭。（林迅景攝）
今天（4月28日）毛姐更身體力行支持自閉症兒童，出席一連兩日的《01型活墟》暨「貝智基金」舉行的【陪著你跑】慈善路跑活動。毛舜筠（毛姐）接受《香港01》訪問時説：「現實中我都識好多有自閉症嘅朋友。其實好多有自閉症小朋友的父母，佢哋唔願意帶小朋友出嚟，佢哋會驚人哋笑佢哋，歧視自己嘅細路，我識得好多朋友都係咁樣。所以我好希望香港市民可以多啲了解佢哋。就算喺街度，佢哋發病，大家個表情眼神都可以友善啲。再做多啲嘅話，當然搭下佢膊頭講句『加油』就更加好啦。」
毛姐在接受《香港01》訪問時講到，好多自閉症兒童的家長都唔敢帶自己小朋友出街。（林迅景攝）
《黃金花》上映之後好評如潮，無論是自閉症家庭或市民大眾都大受感動。毛姐接受訪問表示，自己亦收到不少回響。「好大感受，為佢哋覺得我做得好似。我哋套戲所講嘅生活就係佢哋嘅生活。正如台上嘅媽媽都有講，佢哋會傷害自己。父母又制止唔到佢，真係會好難過好痛心。」
「01型活墟」在今天和明天會在觀塘海濱公園VESSEL 01舉行，集合本地Busker演出、頻道主題活動、特色小食、本地手作及有機蔬菜攤檔、工作坊，是香港人的週末樂活好去處！