【多圖】林志玲內衣騷戰鬥格上陣 仙氣長裙露4吋事業線現身機場
撰文：洪曉璇
出版：更新：
工作時林志玲一向不介意性感示人。（視覺中國）
要愛人先要愛自己可以話係現代女性格言之一，拍緊拖結咗婚要KEEP住身型外貌，單身嘅更加要隨時保持完美狀態，因為，唔知道真命天子幾時會出現㗎嗎？林志玲自從講咗一句：「我現在沒有愛情」，正式宣告同言承旭破局，女神又再重新放盤啦！呢日佢現身北京機場，一落車已經驚艷全場。
早兩日林志玲於北京出席內衣CATWALK SHOW。（視覺中國）
之前林志玲忽然發福，曾傳出懷孕疑雲，據志玲姐姐身邊人所講，佢因病停工休息時服用抗生素，以致微微發福塊面變得圓潤，話咁快佢就回復最佳狀態啦。早兩日喺北京現身內衣時裝騷，志玲姐姐親身示範內衣外穿一樣咁靚，舉手投足都充滿女人味。
林志玲現身北京機場時，仙氣長裙加DEEP V露出4吋事業線，令人驚艷。（視覺中國）
志玲姐姐一路行一路同粉絲傾計，仲摸對方頭髮，相當親民。（視覺中國）
行騷時工作需要比較性感在所難免，不過志玲姐姐放咗工都一樣大派冰淇淋，28號下晝佢現身北京機場，牛仔外套配以雪紡連身V領長裙，美好身段表露無遺，雖然性感非常但白色長裙擺動下，仙氣逼人無暴露感覺，網友驚嘆女神真係點著都咁靚：「機場要暴動了﹗」
+10