【學是學非】劉穎璇學生妹Look超清純 受無綫力捧好快上位
撰文：黃梓恒
出版：更新：
劉穎璇（Tiffany）被喻為近年最靚最有前途的港姐亞軍，當年輸了給馮盈盈其實有好多人大跌眼鏡，除了外貌出眾，身材高挑，談吐得體之外，劉穎璇現在只有20歲，相當之後生，前途無可限量。前年選完港姐後加入TVB簽下經理人合約，TVB一直都當佢如珠如寶，在《溏心風暴3》俾佢客串一幕，之後今年的重頭劇《兄弟》就已經是女配角的身份，好過唔少捱咗好多年嘅藝人。
TVB真係幾鍚佢。（網上圖片）
除了劇集，Tiffany現時主力綜藝節目，當中以《學是學非》最為人留意。今日她在Instagram上post出了《學是學非》的造型照，竟然係學生Look！不過其實以Tiffany的年紀，如果佢讀書成績比較差，而家仲著緊校服真係唔出奇。有不少網民都大讚她穿起校服十分之清純，仲話如果去選校花都一定贏，緊係喇，選港姐都拎亞軍，校花仲唔手到拿來？
真係好清純。（網上圖片）