林芊妤教瑜伽有幾好搵？ 早已上車置業：月入有六位數
撰文：賴家杰
出版：更新：
Coffee（林芊妤）出席ViuTV節目「Good Night Show全民星戰」發佈會，同場更有梁漢文、林敏聰、羅家英等藝人。講到發佈會中家英哥同Coffee有互動，更攬住佢玩遊戲，Coffee笑言：「佢為咗氣氛啫，家英哥係護花，避免林敏聰蝦我，完全冇抽我水嘅感覺，OK嘅。」
Coffee（林芊妤）活動中與羅家英有親密接觸。（賴家杰攝）
講到宜家甚少喺幕前出現，Coffee就話：「係呀，因為自己都想喺瑜伽發展，又想健康多少少，因為呢一行譬如話接劇，會日夜顛倒。而家時間上自己比較容易控制。」，Coffee講到咁，莫非有意退出幕前？Coffee就話:「都算㗎啦，我都老啦，28歲啦，因為自己都入行早，不過如果有好機會當然會做，不過現時為止都以運動方面為主。」大家要好好珍惜電視上見到佢嘅日子啦。
Coffee透露有意退出幕前，更透露教瑜伽每月收入達6位數。（賴家杰攝）
相信大家都好好奇，Coffee教瑜伽係咪賺好多，Coffee接受訪問時就透露咗個驚人數字：「收入好可觀呀，都過20萬一個月，不過當然有計埋其它收入，我一個人都打好多份工架，唔只是教瑜伽。」Coffee月入20萬已經足以令佢成為小富婆，Coffee更透露自己一早已經買左樓，不過佢都仲有好多目標，更想繼續置業。
Coffee與相戀兩年多的男友正在計劃結婚 。（賴家杰攝）
Coffee與男朋友已經拍兩年多，二人更有結婚計劃，Coffee：「其實都有打算，都係簽張紙好簡單，自己唔係一個高調嘅人，唔需要大龍鳳，寧願用筆錢係結婚之後。」
+2