相隔6年少野占回歸野仔 預告8月唱爆麥花臣

撰文:關穎賢
出版:更新:
野仔相隔6年終於開音樂會

相隔6年時間,少野占回歸樂隊野仔,即將於8月舉行音樂會。談到6年來首次舉行音樂會,野仔預告必定會獻唱所有經典歌曲,少野占笑言今次舉行演唱會後都唔知道有冇下次開騷嘅機會。而其他成員聞言即話:「呢個show好多人都會問,會唔會玩其他人嘅歌,或者會唔會有嘉賓,答案就係冇嘅。」原因就係當野仔一開始話舉行呢個show嘅時候,網上好多人都好大反應去點唱,仲列咗個清單出嚟,野仔笑言原來數吓數吓一個show都玩唔晒所有歌,所以希望今次能夠為樂迷送上一個完全屬於野仔原汁原味嘅音樂會。