【棟仁的時光．多圖】李旻芳唔畀屋企人睇自己性感演出：好尷尬
撰文：陳栢宇
出版：更新：
李旻芳之前喺《棟仁的時光》嘅爆喊企跳戲真係做得唔錯，雖然就只係客串性質，時間都好短，但足以令觀眾讚不絕口，因為真係喊到鼻涕都流出嚟！其實之前佢喺好多套劇都好出色架，只不過係大家淨係留意到佢身材啫，好似佢喺《火線下的江湖大佬》嘅演出咁，飾演鳳姐嘅佢除咗個領口好低之外，其實都做得幾入型入格，有一種姣味喺度。除咗戲劇演出，網民都好關注佢喺《東張西望》嘅外景主持工作，不過最令人印象深刻嘅就一定係佢喺《3日2夜》嘅三點式浸溫泉喇，我覺得用文字真係交代唔到件事，大家不如睇圖啦：
李旻芳之前喺《3日2夜》度亮相，好多觀眾都讚養眼。（電視畫面）
+4
李旻芳喺《火線下的江湖大佬》裡面飾演鳳姐，仲以性感內衣上陣。（電視畫面）
+10
今次憑《棟仁的時光》嘅喊戲彈出，李旻芳終於可以向觀眾證明自己都係識做戲喇，亦可以話對一直默默支持自己屋企人有個交代。但其實李旻芳嘅屋企人點睇佢之前嘅性感演出呢？李旻芳接受《香港01》訪問時就話：「呢啲我會盡量避免屋企人睇，因為都好尷尬，因為真人都未見過我咁嘅一面，哈哈。」
【棟仁的時光】企跳李旻芳唔推Job好捱得：試過做替身俾蟲躝上身
李旻芳不時都會喺社交網站度Po靚相。
+10