陳法拉結束四年讀書生涯 有意進軍歐美市場:唔讀啦 飽晒喇

撰文:賴家杰
出版:更新:

久未露面出席公開活動嘅陳法拉回港出席品牌活動,大家都好想知道法拉嘅近況,法拉透露:「上星期就完成咗最後演出,學校所有事都完成,呢4年終於可以鬆一口氣。」法拉呢4年學業生涯終於完結,大家都期待佢回港發展自己嘅演藝事業。

陳法拉久未露面出席公開活動。(陳順禎攝)

終於畢業嘅法拉除咗鬆一口氣之外,最開心係多咗時間,咁代表可以計劃將來要做嘅事情,問到法拉會唔會繼續讀上去,法拉就話:「會繼續拍戲,唔讀啦唔讀啦,讀書癮已經過晒喇,飽晒喇,因為真係好辛苦,唔係坐下咁舒服,因為一直都要演緊戲。」

法拉表示畢業後不會繼續再讀書。(陳順禎攝)

大家知道法拉畢業後,立即成為搶手貨,因為法拉透露已經收到好多劇本,香港,大陸,美國都有人搵佢,講到咁忙,其實會唔會係想衝出亞洲,進軍歐美市場呢?法拉直言:「我都希望呀,因為過去幾年學做戲都係英文為主,同埋始終亞洲人喺美國都係少數啦,咁呢兩年都多咗好多劇本寫俾女性擔綱演出,都唔係全部寫俾白人,所以多咗好多挑戰同機會。」

法拉有意挑戰歐美市場。(陳順禎攝)