黃長興做廿四孝老豆 為仔女密密接job搵真銀

撰文:關穎賢
出版:更新:

喺劇集《棟仁的時光》入面飾演潮州佬嘅黃長興最近人氣急升,而密密搵真銀,為舞蹈學校擔任開幕剪綵嘉賓,期間更為囡囡「探路」打聽藝術體操及爵士舞等課程,他直言:「作為家長,最希望子女可以喺安全同舒適嘅環境下學自己鍾意嘅嘢。我當然會幫Paige﹝囡囡﹞去發掘合適嘅課程,所以都會準備帶佢試堂。」另外,同時出晒名錫老婆嘅佢剪綵前就特意趕去睇老婆嘅空手道比賽,謂:「太太為咗照顧小朋友,已經停玩空手道一段時間,依家小朋友大咗,我都希望佢重拾自己嘅興趣,重投訓練幾次之後,參加公開比賽即刻攞亞軍,我真係冧晒!」

黃長興為舞蹈學校擔任開幕嘉賓

至於提到密 密接Job,黃長興笑言多得公司畀機會,問到點樣獎勵自己?佢竟然廿四孝老竇上身,笑言:「都係儲錢畀小朋友先,因為小朋友興趣多多,最近囡囡學打網球,又要為佢添置裝備,只要見到佢哋開心,自己自然就會開心!」