【五月天演唱會】鄧月平去到門口跌咗張飛：我覺得成件事好恐怖

五月天演唱會今次在香港迪士尼舉行，今次戶外聽五月天，當然吸引不少五迷入場，原來宅男女神鄧月平亦是五月天fans之一，更買了飛看首場，還搭的士飛入迪士尼，興致勃勃去到現場先反現，原來唔見咗張飛，身為一個五迷，最慘嘅事莫過於此，鄧月平即開ig live求助一眾fans.....

她在ig上說:「我想講今日我嚟睇五月天嘅，但係呢...我張飛，係我落的士十分鐘之前啦，我sent咗俾我朋友話我差唔多到喇，以後我俾錢落車，突然發現咗唔見咗張飛，跟住係咁揾，喺的士又係咁揾，架的士俾我反咗三四次喇，但我都揾唔到張飛，我覺得成件事好恐怖，我而家同五月天嘅距離.....（鄧月平差不多講到想喊之際，突然有位fans亂入問「可唔可以同妳影張相？」）等陣先，我而家企喺五月天嘅門口，大家話俾我知可以點算？這麼近亦那麼遠。」完全感受到鄧月平嘅心情，作為一個粉絲最慘莫過於此。

到最後鄧月平都沒有機會入場睇騷，不過心情已平復，還在ig報平安，她寫道：「我和五月天的靈異事件，我無喊，我食緊嘢，讓大家操心了，但係我真係真係真無想喊，我把聲係咁，我個款係咁，純分享件事十分離奇。」