吳海昕大讚沈震軒係廚藝高手 郭偉亮飾演BIG BOSS？
撰文：冼燕珊
出版：更新：
犯罪題材網劇《暗算天機》日前於銅鑼灣舉行首映禮，主角沈震軒、吳海昕、郭偉亮（Eric Kwok）、尹揚明及薛國斌等均有出席。
網劇《暗算天機》一眾演員出席首映。
這是女主角吳海昕(Sofiee)首次拍攝網劇，她在劇中與沈震軒有很多對手戲，Sofiee 說：「戲中我係一個痴戀佢嘅傻妹，所以有好多好蝦碌嘢，好似有場戲要同佢煮飯仔，但現實嘅我唔係好識煮嘢食，真係有啲本色演出，反而我睇得出沈震軒係一個廚藝高手，嗰場戲係幾搞笑。」吳海昕又自嘲其角色係有點蠢，「戲中沈震軒同郭偉亮個個都鬥智鬥力，我同沈震軒有條甜蜜輕鬆愛情線，趨向有少少喜劇感。噚晚睇首映我個角色好虛幻、好蠢咁，但又為仔死為仔亡，因為太愛沈震軒，協助佢去識破驚世大陰謀， 但最後自己又踩咗落圈套度要佢英雄救美。」
吳海昕在劇中與沈震軒有感情線，她指兩人的愛情線輕鬆甜蜜，帶有少少喜劇感。
Eric Kwok在劇中飾演國際金融公司董事，與統計學博士沈震軒，進入風雲詭變的投資世界創一番事業，沈震軒表示：「Eric Kwok喺劇中係我老闆，佢請我，但原來佢係利用我， 並唔係真心賞識我嘅專業知識，最後仲想毀滅世界。」 網劇既以金融為主題，所以沈震軒和 Eric Kwok 都要背很多專業名詞，非常不容易。
沈震軒在劇中與郭偉亮鬥智鬥力。