【走佬去臺灣】杜汶澤把妹任務輕鬆過關 5秒完成挑戰：我出名快
撰文：賴家杰
出版：更新：
阿澤打算五十歲就參加健美比賽。（吳宇峰攝）
杜汶澤早前為Viutv拍攝全新實況娛樂節目《走佬去台灣》，早前(14日)舉行一個探班活動，阿澤表示：「其實呢個節目已經係上一年拍攝，不過Viutv實在太多太好嘅節目，終於排隊到我啦。」
今次《走佬去台灣》還有一項挑戰，就係節目組要阿澤「把妹」。不過阿澤就話呢次係一個冇難度挑戰，阿澤表示：「台灣當然食同玩啦，最好溝埋女，因為Viu諗到一個玩法，就係叫我去夜店溝女同請個女仔食牛扒，原本諗住呢一part岀30分鐘，但我5秒就搞掂，因為我個人岀名快。」當然阿澤表示拍攝完後就冇同台妹聯絡，純粹工作。
阿澤經常喺個人社交網站發放做健身照片，而效果大家都睇到，其實阿澤咁努力做健身目標係乜？阿澤表示：「我打算係自己50歲時候去參加一個健身比賽，（操得會好辛苦？）都辛苦㗎，但係人生有幾多個十年呀，五十歲之後就六十歲啦，到時就老啦，趁青春留倩影嘛。」好等睇喎！
杜文澤早前為Viutv拍攝全新實況娛樂節目《走佬去台灣》。（吳宇峰攝）