【幻覺嚟嘅啫】杜如風預祝43歲生日 姊妹合照摸肚似有喜?

撰文:梁子健
出版:更新:

得閒轆下IG,眼尾𥄫到有班女齊齊伸手摸住其中一人個肚,直覺話俾我知,又有女藝人有餡喇!立即轆返上去,搵返究竟係邊位藝人、邊個post先?原來,係杜如風。

杜如風都未到生日,但已經食緊唔知第幾個蛋糕。(IG圖)

「吓!杜如風有咗?」咪玩啦,佢好似連男朋友都未有喎(或者只係無公開)。所以,相信只係佢一班好姊妹夾埋搞搞震玩下嘢,兼影咗張咁嘅「疑似有餡」相整蠱埋大家,而實際情形應該只係杜如風周三(5月16日)將會迎接佢人生第43個生日,所以近排食多咗蛋糕,搞到肚腩仔大咗似有咗幾個月啫,更何況佢成日飛日本,新一輯旅遊節目《北海道攻略》又剛剛拍完,日本美食多,食唔停個肚脹咗,有幾奇先?!

不過,相中一班好姊妹伸手摸肚順便遮住影唔到,杜如風實際可能根本無腩,唔小心屈咗佢都唔出奇。