崔碧珈驚現康城紅地氈 首次衝出國際：今次應該會走得好
撰文：鄺鈺瑩
出版：更新：
崔碧珈被法國設計師選中而有機會踏上康城紅地毯。（微博圖片）
全球矚目的康城影展正式揭幕，唔少女星為踏上紅地毯而費盡腦汁，就好似內地「露點大媽」趙欣，自稱係受到品牌邀請，結果被踢爆係不請先來……其實要踏上呢條紅地毯，仲有好多方法，就好似崔碧珈咁，佢就因為法國設計師Christophe Guillarme的關係而初嘗行紅地毯滋味，她接受訪問時透露係早前朋友叫佢casting，最後被設計師選中了，與法國演員Patricia Contreras雙雙參與呢項盛事，靚相仲獲當地及美國媒體報導，都算衝出國際第一步。「雖然唔係為電影，係時裝品牌，但經驗好重要。」而她亦有在微博上寫道：「經常都是以拍戲為主，貓步比較少走。記得第一次走貓步是2016年在香港一田，當時是走第一個，都蠻緊張的。這是我第二次走騷，地點法國，有上次的經驗，今次應該會走得好的。」
崔碧珈早在4月已飛到英國工作，之後再去康城，她在微博透露自己在英國拍了三個廣告同出席了多個活動以及馬拉松，好似好忙咁。
難得去到康城，崔碧珈除了晒靚衫之外，亦都不忘著上三點式晒太陽，更頻頻在ig同微博上載影片。
+10