【宮心計2深宮計】陳煒角色專門搞事：係我演藝人生中最難嘅一次
撰文：張嘉敏
出版：更新：
煒哥喺劇中專門搞風搞雨。（陳順禎攝）
無綫重頭劇《宮心計2深宮計》的一班演員忙於為劇集宣傳，這日更穿上古裝戲服上陣出席活動。在劇中飾演太平公主的陳煒 (煒哥) 於該劇的Trailer中十分搶鏡，也表現出心狠手辣的一面，連劇中飾演皇后的胡定欣都要被她掌摑。對此煒哥表示：「我個角色好有霸氣，因為我係武則天個細女，佢好錫我，我亦遺傳晒佢啲嘢。我覺得我細佬 (馬浚偉飾演的李隆基) 唔聽話，所以要同佢鬥爭。」至於她是否劇中一個大反派，她說：「其實宮入面每個人都各懷鬼胎，會為自己嘅利益耍手段，我就成日搞風搞雨，同我細佬過唔去。」
佢話今次演出係佢從影以嚟最難嘅一次。（陳順禎攝）
煒哥坦言拍攝該劇相當有難度：「係我演藝人生中最難嘅一次，我未演過正史宮廷大劇，所有嘢都好細膩，對白亦都好難，需要好多時間去背啲四字成語，真係發夢都會諗住啲對白。劇本要背到一字不漏咁去演繹出嚟，拍攝期間我哋每個人都有好多ng。我覺得今次係超乎自己想像去完成嘅一套劇，雖然辛苦，但拍完好有滿足感。」
煒哥喺劇中打過好多人。（陳順禎攝）