C AllStar安仔代表香港出征利物浦足球賽：攞咗季軍
撰文：吳子生
出版：更新：
C AllStar成員陳健安，梁釗峰今天(17日)出席一媒體公司活動，同場有周秀娜，顏卓靈，艾粒，傅家俊，游學修等。C AllStar成員自從暫時單飛後，各有各忙，大家好難再見到四子同台演出。健安表示：「其實大家都係咁好感情，雖冇同台演出，但唔代表我地不和，有時候我地都會約食飯，見下面，我地感情非常好。」
C AllStar成員（左）陳健安，（右）梁釗峰希望世界盃舉行期間，四子可以一齊睇波
四年一度世界盃又即將舉行，安仔（陳健安）未入行前係一位香港甲組足球員，原來最近仲去了利物浦參加一足球比賽，安仔續説：「早前參加左香港區一個五人足球比賽，贏咗冠軍，所以有機會代表香港區，去英國與7支球隊作賽，最終贏咗季軍。」講起足球釗峰笑言：「如果我落場踢，一定有勝負，全部都係負，所以近來忙緊個人錄音，歌曲全新演繹，撇除了C All Ster風格，新歌都錄得七七八八！會用自己全新形象感覺示人，希望大家會有驚喜。」