【飛虎之潛行極戰】王敏奕進佔女神榜第二位：乜我仲係咩？

《飛虎之潛行極戰》本週播出，劇中藝員亦當然成為焦點，其中王敏奕更在網上人氣急升，在討論區女神選舉，有力挑戰湯洛雯，穩佔第二位！
王敏奕一聽就笑住話：「新一代女神⋯⋯⋯哈哈！多謝大家⋯⋯乜我仲係新一代女神咩⋯⋯⋯好多謝大家，將我推返上嚟⋯哈哈⋯歷久常新呀！我繼續努力希望可以做到大家心目中唔錯嘅偶像⋯哈哈⋯我都唔知講咩⋯」笑聲不斷，女人原來比人讚係會開心到失魂落魄！
更有網友覺得王敏奕在劇中，次次除面罩及頭盔都咁靚，佢解釋：「我個頭髮係有精心設計過嘅，就係扎頭髮扎到好實，同Bosco上山下海都好靚，多謝服裝，幫我設計呢個盜墓者羅拉咁嘅頭啦！」有人就係覺得咁整齊，似乎有啲離地，王敏奕笑言：「我成日吊威也，咩啊！其實我係好貼地㗎，撻落地咁滯！」雖然答案有點爛，不過靚女係有特權..........好似係。