吳千語都有玩「食雞」　晚晚約朋友開戰：好瘋狂咁打

吳千語最近一直喺橫店拍劇，近年佢都主打內地市場，甚少係香港露面，日前(17日)她出席品牌派對時都話自己其實趕回來出席活動，之後又要飛回橫店繼續開工，千語話：「其實橫店已經係我半個屋企，因為一年之中有半年都喺橫店。」

問到千語係咪已經認識好多新朋友？千語話：「其實最近在內地拍攝，認識咗好多演員同導演，所以識多少少朋友。」，自從與林峯結束五年情之後，身邊有冇多咗男性追求？千語直言：「冇呀，其實本身都識得多，要睇邊種識先，朋友本身好多，（追求你個啲!）冇呀，好多人都覺得我好多人追，但其實真係冇。」

千語佢仲自爆話有玩最近好流行嘅「食雞」遊戲，問到千語點解會玩呢個遊戲：「因為可以同朋友Online一齊打，所以最近真係好瘋狂咁打機。」