【牛下女高音】54歲龔慈恩容顔不老有原因 同囡囡護膚方法有唔同

撰文:林迅景
出版:更新:
《飛虎之潛行極戰》第1集就有龔慈恩,真係好靚!(電視截圖)

龔慈恩時隔22年再重回TVB拍劇,真係咩回憶都返晒嚟。想起對上一套龔慈恩的TVB劇,已經是1996年的《西遊記》中的觀音,雖然96年的時候還未流行甚麼宅男女神,但當時的她就已經風靡萬千。如果再細數青春少艾時龔慈恩,就更加不得了。

今日一見,龔慈恩真係keep得好好!(林迅景攝)

現年54歲的龔慈恩,雖然已經踏入「美魔女」行列,但仍舊保養得宜,與18歲女兒林愷鈴合照時也絲毫不遜色,甚至乎仲有啲似兩姐妹添。今日(5月18日)龔慈恩出席《牛下女高音》造型活動時,就分享了些護膚心得。龔慈恩説:「我覺得而家冇醜嘅人,只有懶嘅人。我覺得應該係唔同地方、唔同時間,對自己都有一個敏感度,點樣調整。打個譬如,我去北京拍戲,我會用個加濕機,因為天氣乾;如果去東南亞拍戲,我就用啲蘆薈,因為皮膚曬得多,佢可以消炎。同埋而家資訊咁發達就可以做下功課,但係唯一一樣就唔可以盲從,要清楚自己今日要做啲咩,再做適當嘅護膚。」

龔慈恩同囡囡睇起嚟,有啲似「姐妹」。(張頴倫攝)

龔慈恩笑說:「譬如囡囡偷我啲化妝品護膚品嚟用就唔係好啱用嘅。」龔慈恩解釋到,不同年齡皮膚是需要不同的護理,就個例子來說,「敷mask」也是因應各種天氣地方場方而用各種的「mask」。龔慈恩:「我自己唔會keep死用嗰幾隻mask。而家呢個年代呢,我覺得都唔使用一啲好貴嘅產品,譬如夏天就應該著重多啲美白。」

龔慈恩囡囡遺傳咗媽媽靚樣。(資料圖片)

其實對於mask的用量品種,原來「美魔女」龔慈恩都好有研究,不同環境場合,她也有不同的「mask」應對。「譬如我嗰日曬完返嚟,我返到屋企會敷美白mask;如果我今日開全日工嘅話,我就敷好滋潤嘅;甚至乎我係戲與戲之間有時間或者食lunch,我會喺眼袋位再敷返個eye mask。(一年計,用過有幾多種mask?)都有20隻,哈哈,其實我都幾expert㗎啦。(大槪幾錢?)平嘅$8一塊貴啲嘅$100塊都有。」所以話,做「美魔女」保養好皮膚,一啲都唔簡單。

+9
龔慈恩為今日《牛下女高音》試造型,相信遲啲就可以喺電視機見到佢啦。(林迅景攝)