【開心速遞】阮政峰蘇韻姿孖住搵真銀　新聞當畀大家做飯後話題

英國著名護膚品牌今日(19日)在位於屯門市廣場店舖舉行活動，邀請無綫劇集《愛‧回家之開心速遞》中飾演情侶的阮政峰及蘇韻姿出席，現場吸引大批Fans到場支持，政峰仲即場表演魔術，令現場氣氛高漲，場面熱鬧。

兩位緋聞男女，一身情侶裝出席活動，現實中兩位又係唔係情侶呢？政峰直言︰「留返俾大家作茶餘飯後話題，我地兩個唔會作出太多表示及回應，我哋係好朋友，又係好拍檔關係，係呢個階段我哋會演好而家嘅劇集，其實我哋成班《愛‧回家》同事好似一家人咁，一得閒就會約埋一齊。」

現實中，拍戲拍到戲假情真大有人在，將來有機會發展 ？韻姿坦言︰「將來的事將來先諗啦，因為依家好專注拍好劇集，套劇集好受歡迎，所以我要更加努力，專注拍戲，近來又忙練歌，希望遲ｄ唱歌俾大家聽。」政峰、韻姿fans聽到回應，應該可以放下心頭大石啦！