【新烏龍院】27歲郝邵文變大師兄　仍然逃唔過要鐵頭撞鐘

24年前由台灣導演朱延平執導的《笑林小子2：新烏龍院》大受歡迎，陪伴了一代人的成長。而24年後宣佈重拍名為《新烏龍院之笑鬧江湖》，將近拍攝一年電影近日悉出最新預告，經典劇情再現充滿笑點，睇到觀眾哈哈大笑，滿滿回憶返晒嚟在網上引起討論。

經過24年的光陰，當年的文仔郝邵文都已經長大成人，是一位27歲的大男人，據知今次他將升級為大師兄，其造型與兒時相差不大，同樣光頭﹑戴黑超只是體型大了一啲變了大和尚而已，不過依然喜感十足；而劇中靈魂人物老夫子吳孟達則變成了「長眉師父」，繼續發揮他無厘頭搞笑能力，雖然今次龍仔釋小龍無參與演出，亦令唔少人有一些失望，不過加入了內地笑匠宋小寶，相信電影一定笑料百出。

另外，正所謂「橋唔怕舊，最緊要受」，有睇《新烏龍院》的都知道，舊時「用頭撞鐘」﹑「用頭劈柴」﹑「打蒼蠅」等劇情睇到大家哈哈大笑，而這一些情節將在新版到一一再現，27歲的郝邵文第一場戲份就是「撞鐘」，雖然體重已經過百，不過撞起上嚟仍然有晒效果，睇到他的畫面就好似只是一夜之間長大了似的，不禁令人覺得時間過得好快。《新烏龍院》仲好緊貼潮流，「長眉師父」吳孟達仲in到在寺院玩直播，一邊行一邊同網友互動，成個畫面超級好笑。

有「師父」﹑「大師兄」就當然少不了新版笑林小子，今次劇組就找來張峻豪（happy）飾演釋小龍的角色，只有8歲的他因參加《我是大明星》而廣為人知，因為講得跳得戲劇效果十足，可愛的表演風格令人不得不愛上。而李欣蕊（女生）則是兒時的郝邵文，因《出彩中國人》節目出道的她，外表超可愛，講說話有笑點，天生就帶有一種喜感在身上，二人配搭一齊相得益彰。

電影未睇就已經大受好評，換醒唔少人的回憶，據知電影將在7月先在內地上映，到底會唔會超越從前我們就拭目以待。