雷莊𠒇卸任港姐拒留TVB 9月底返加拿大：想到荷里活嗰邊追夢！
撰文：吳子生
出版：更新：
2017年度香港小姐競選冠軍雷莊𠒇，為節目《萬眾同心公益金》現身電視城，於台上表演跳中國舞。在任期間，雷莊𠒇履行港姐職務，無論大小慈善活動都出席，即將卸任嘅佢接受《香港01》訪問時說：「我同TVB合約去到12月，但因為我想快啲開始工作，去加拿大嗰邊發展，所以選完（今屆）港姐之後，九月尾就返去加拿大，其實我夢想係做演員，我來選港姐之前已經演戲，當我選港姐時亦有講過想到荷里活嗰邊，希望我可以追得到呢個夢想。」
雷莊𠒇希望去到荷李活，可以做武打女星 （黃國立攝）
過往歷任香港小姐冠軍，當完成該屆使命卸任後，就會開始拍戲，點解雷莊𠒇唔畀多自己一年時間呢？雷莊𠒇話都係睇錢份上：「外國賺錢可能分別好大，嗰邊賺錢比香港多，同時冇咁辛苦，咁我又唔係話怕辛苦嘅，我好鍾意做嘢，我好努力，但我覺得香港做啲野，唔係甘啱我演戲路線，我係好急好想做嘢，我等唔到，如果聽日有工作做我一定會做。」
雷莊𠒇覺得香港拍戲好辛苦 (黃國立攝）
上年當時宣布香港小姐冠軍得主是雷莊𠒇，有質疑「造假」，網絡上不少人認為雷莊𠒇不夠漂亮，因而成為網絡上被攻擊的對象。難道香港文化是非及人事問題好複雜，令雷莊𠒇覺得辛苦？佢坦言：「都有少少嘅，咁其實又唔係唔了解香港嘅文化，我由細到大都係香港長大，咁我諗可能係⋯⋯⋯你點樣講好似都會惹上麻煩，其實我畢業之後喺嗰邊做咗一年時間演戲，跟住我就返嚟呢度一年，試咗都係鍾意嗰邊，因為我喜歡拍動作片，好似成龍咁，好想打功夫，因為外國嗰邊機會係大啲。」