【黎明演唱會】Leon未唱先多謝 唱《DNA出錯》全場尖叫
撰文：鄺鈺瑩 施玲玲 袁曉君
出版：更新：
黎天王唱完《送你一瓣的雪花》後，不忘提醒觀眾小心地下跣，相當貼心。（李澤彤攝）
「腦細」林日曦睇黎明演唱會照樣黑面入場，天王都無面俾。（黃國立攝）
黎明4D演唱會來到第六場，今晚亦是為首場的歌迷補場，吳君如、陳可辛、DJ當奴、「腦細」林日曦和老婆The pancakes、蔡一智夫婦、盧巧音和老公蘇浩才等齊齊捧黎天王場。
晚上8時23分，黎明在核心內圍的舞台現身，簡單表示「今日的一場本是28號的，我知道好多朋友好似澳洲、台灣、倫敦已經回去，衷心多謝大家，多謝晒。」之後就返入後台換上西裝。
到正式開騷，黎明一開始唱《DNA出錯》，核心內的觀眾全部自動彈起身尖叫。唱《Ellie》時，黎明向台下拋黑玫瑰，更不忘叮囑：「花如果完整的話可以放一個月。」唱罷《情》之後，Leon走到台邊同觀眾揮揮手說：「我繼續唱歌，《如果可以再見你》。」
DJ當奴、吳君如、陳可辛及蔡一智夫婦都有入場支持黎天王。（黃國立攝）