卓韻芝成《全民造星》導師 揀學員唔睇外表：最緊要有才華
撰文：賴家杰
出版：更新：
ViuTV大型選秀節目《Good Night Show 全民造星》99位型男將經過首輪淘汰後再由10位星級導師進行一系列特訓。今次節目導師都為分為兩組，搶奪優秀學員令隊中學員成為第一名，Tema A導師分別有火火、劉美君、陳浩然、Sunny Wong、馬天佑，而Team B導師就分別有Eric Kwok、側田、卓韻芝（Vincci）、麥秋成、Felix Wong。
一眾導師都為搶奪優秀學員落足眼力。（陳順禎攝）
導師之一的卓韻芝（Vincci），現場首次見到99名參賽者，作為選秀節目導師要求當然要好高，而一向都係才女路線示人的Vincci，就表示首要留意佢地嘅才華：「除咗要留意佢地才華之外，我都要心裡面Mark實我喜歡嘅人，可唔可以入到我隊伍。」Vincci還透露唔係主要睇樣貌，好期待佢地嘅口才，因為口才都好重要。
99位參賽者一齊出場，Vincci覺得呢個畫面好震撼。（陳順禎攝）
Vincci雖然口講就係喜愛有才華嘅男生，但現場都有唔少大隻仔，Vincci稱：「我口就講喜愛大隻仔，但你從我個人就知道我係喜愛有才華嘅男性啦，所以我都好希望佢地點樣表達到自己，佢哋有冇幽默感方面我都好緊張。」
Vincci覺得號稱「肥仔」已經咁快能夠入到50強，佢好犀利。（陳順禎攝）