【3日2夜】鄧以婷鳥取浸溫泉 全靠做gym搣甩10磅
撰文：關穎賢
出版：更新：
相信大家都對去年劇集《誇世代》入面，森美被鄧以婷（Irina）設局拍下裸照嗰一幕有深刻嘅印象，在劇中大show好身材嘅Irina就迅速即成為宅男女神。而最新一集《3日2夜》就有Irina亮相，帶大家去到日本溫泉之鄉鳥取縣。節目內，Irina除咗試玩難度超高嘅立划艇，亦到訪了魚市場品嘗新鮮嘅紅楚蟹。食飽之後，仲大曬豐滿上圍浸溫泉，令觀眾大飽眼福！
一向喜歡玩水上活動的Irina表示首次玩立划艇，都算有少許難度。
Irina接受《香港01》訪問時，透露自己一向都有玩開滑浪同潛水，但今次就第一次玩立划艇，笑言一心以為可以好型咁划艇，冇諗過會跌落水。至於問到平時點樣keep住好身材，Irina就直言以前身型比較肥，更試過好多不嘅減肥方法，謂：「試過戒澱粉質，6點後唔食飯只係食菜，但發現最好就係做運動。由前年開始跟健身教練做gym，一個星期都會做兩次gym，平時會跑步同行山，都減咗10磅，加上而家好少飲凍飲，就開始慢慢瘦落嚟。」
+3