杜汶澤《走佬去臺灣》自然Mode狂爆粗 入戲院幫世仇王晶「搣飛」
撰文：關穎賢
出版：更新：
出名「勁玩得」的杜汶澤（阿澤）主持的ViuTV真人Show旅遊節目《走佬去臺灣》轉眼已播出一星期，於節目中，阿澤盡顯真性情 ── 爆粗多過食飯！於上周五（1/6）播出的第5集，阿澤去到當地舊式戲院做票務員負責「搣飛」， 豈料戲院剛剛撞正上映「仇家」王晶與關智耀合導的《追龍》，認真冤家路窄！
事緣自2014年雨傘運動後，許多藝人紛紛表態跳出來力挺，惟王晶直接在微博點名，要將黃秋生、杜汶澤、何韻詩幾位表態支持佔中的藝人電話號碼刪除，其後王晶一直在網上狙擊阿澤。4年後，阿澤竟然「淪落」到要為王晶的電影「搣飛」，認真折墮！搞鬼的阿澤當然不會放過任何反擊機會，他專誠上前訪問戲院職員，為何星期三晚上生意那麼差？對方說，平日入場觀眾較少，阿澤成功「搵位」勁串王晶：「當然啦！你放（放映）《追龍》當然差啦！」
阿澤在節目內指因為戲院上映王晶執導的《追龍》，所以冇生意。
去到認真工作時，阿澤竟被員工教訓！員工指「搣飛」後要將戲飛交回人客手上，令阿澤非常尷尬，更自嘲投身電影多年，連搣張戲飛都搣唔到。
後期因為人流較少，所以基本上阿澤都是「齋坐」為主，後來他悶到開始失去耐性，毫不避忌在鏡頭面前狂「爆粗」，短短8秒內爆了3句：「X你老母，搵個人嚟扮搣飛，解決咗佢啦。幾廿人喺度等，佢老母X，7點？癡X線，拍鳳凰山日出咩？」即平均2.67秒就爆一句粗，而且相當自然。雖然阿澤於鏡頭面前爆粗「教壞細路」，但網民見到他爆組爆得如此忘我，大讚他夠真性情！節目在電視播出時，聲音會經過處理，但網上重溫部份就有得足本重溫。