朱千雪做善事唔怕畀人呃：10個有9個呃，都可以幫到1個
撰文：張嘉敏
出版：更新：
朱千雪 (Tracy) 唔止樣靚身材正，原來仲好有愛心同善心，絕對是內外在美兼備的女神。Tracy今日出席慈善義賣活動時表示自己在加拿大讀書時已開始參與義工服務。她說：「嗰時我每逢暑假都會參加一啲慈善暑期班，帶住一班小朋友去玩，照顧佢哋，我16歲，啲小朋友就7、8歲左右。」而Tracy自從當選港姐後，亦有參與慧妍雅集的慈善活動去幫助有需要的人。
朱千雪喺加拿大已經成日做義工。（梁碧玲攝）
Tracy 話她每一次做義工都會覺得好感動：「因為見到好多人都好有慈心，好無私咁去幫人。」她的爸媽亦有自小教她要多做善事。對於有不少騙徒會利用人的善心去行騙，問到Tracy怎樣避免受騙，她說：「我都有諗過呢個問題，如果10個入面有9個係呃人嘅，咁我幫佢哋都會幫到1個，我唔去幫嘅話就連呢1個都幫唔到。我自己幫人唔會去猜疑，唔會知道對方係咪呃人㗎嘛，除非好明顯啦。」
Tracy話見到咁多人有善心令佢好感動。（梁碧玲攝）
Tracy最想可以落手落腳去幫助其他人，不過時間未必許可，所以捐錢是最快捷的方法：「我每次經過銅鑼灣見到有公公婆婆賣白蘭花，都一定會買，錢唔係多，10蚊廿蚊當係支持下佢哋。我好想喺香港做多啲慈善工作，有句說話係「charity begins at home」，香港係我屋企，我想為呢個地方付出多啲。」
Tracy話見到咁多人有善心令佢好感動。（梁碧玲攝）