陳自瑤稱從不戴婚戒真唔真？ 呢啲證據可以證明
撰文：冼燕珊
出版：更新：
今日陳自瑤(Yoyo)出席活動，親身為婚變傳聞解畫，佢回應跟王浩信的婚姻沒有問題，但傳媒就將焦點放在佢沒有戴婚戒上，但解釋其實咁多年來，工作時都不戴戒指，Yoyo 說：「可以回溯返好多年前，我所出席嘅所有活動，基本上都冇戴過婚戒嘅，唔係淨係而家冇戴嘅。」
Yoyo 今日親身回應婚變一事，指與王浩信感情不變，但被發現沒有戴婚戒。（葉志明攝）
我哋好聽話地，真係去搵返所有 Yoyo 的工作相片，除了結婚初期戴過幾次之外，Yoyo 之後又真係好似無戴過結婚戒指。呢幾次包括2011年11月Yoyo 同王浩信結婚嗰日，同年 12 月出席活動，同埋阿囡百日宴，之後都無再見佢公開戴過了。
Yoyo 2011年結婚當日有戴婚戒。(視覺中國)
婚後第一個月出席活動時，也有戴婚戒。（視覺中國）
2012年7月，在女兒百日宴上，Yoyo 也有戴婚戒，之後她幾乎都不在公開場合截戒指。（中國視覺）
Yoyo 私底下都好少戴婚戒。(IG圖片)
Yoyo 解釋：「我哋做呢行係少戴婚戒嘅，應該話我哋兩個都係啦，因為拍劇有好多角色身份.......我避免返工放工成日除低自己隻婚戒，我又好驚唔見嘅時候，咁我就選擇唔戴，我咁多年都好好保存，因為我好驚唔見。」Yoyo的解釋都好正路，做演員戴戒指的確唔方便，睇返好多已婚藝人，其實都唔係成日戴戒指，例如田蕊妮同杜汶澤、陳豪、黃智賢等。怕又戴又除容易整唔見，所以索性唔帶，收起來好好保存，其實都係一種珍惜嚟。
田蕊妮都唔係成日戴住結婚戒指。（IG圖片）