【中餐廳】皇阿瑪張鐵林駕到做幫廚　還珠幫20年後合體超有回憶

經典劇集《還珠格格》紅遍大江南北，陪伴了一代人成長，即使重播又重播收視都依然高收，想令人唔記得都難。而20年過去，當中的主角們大部分都成為圈中一線紅星，各有發展做得有聲有色。想唔到20年後小燕子（趙薇飾）﹑五阿哥（蘇友朋）﹑皇阿瑪（張鐵林飾）一家人合體，齊齊出現綜藝節目《中餐廳》到，令唔少人回憶即時返晒嚟。

由趙薇擔任店長﹑蘇友朋做主廚的綜藝節目《中餐廳》，目前在法國進行拍攝，節目未播已經廣受電視友關注。從唔同的曝光照片睇，小燕子同五阿哥齊齊坐著馬車遊街，有講有笑令人回想起他們在草地上奔騰的劇情，十分有愛。除此之外，節目組亦非常有心，竟然邀請到皇阿瑪張鐵林來做第一期嘉賓，將在節目中做幫廚，見他穿著圍裙幫忙招呼客人，又同趙薇有商有量，一家人的畫面令覺得幸福滿滿，唔少都話今個暑假必睇。

請得皇阿瑪光臨，據知同劇飾演紫薇的林心如亦是嘉賓之一，仲好笑的係大家不停鼓吹不如請埋容嬤嬤來（李明啟飾），來一個還珠大合體，相信有話題兼有收視。