苟芸慧為警隊拍攝宣傳短片 著制服夠英氣 

撰文:關穎賢
出版:更新:

即將成為人妻的苟芸慧雖然忙於籌備婚禮,但仍然密密工作。日前苟芸慧化身做「苟點鐘」Madam Kuo,為警隊拍攝宣傳短片,提醒市民要提防網上情騙,不要輕易相信陌生人在網上的甜言蜜語而被遭騙財。

苟芸慧穿上制服相當有型。

穿上整齊警察制服的苟姑娘進行拍攝時,工作人員都大讚她由女神變成警花,更稱她作「Madam Cool」。她透露以前都飾演過警察的角色,搞笑說:「原來咁多年後嘅今日我已經升咗職,成為督察,已經唔係當年嘅職級啦。」問到她可會想再挑戰Madam角色,苟姑娘直言女性都可以好有型,有正義感,是一個既有挑戰又能夠發揮的角色。

問到可曾試過被騙,苟姑娘坦言很慶幸沒有發生在自己身上,但細佬就差點中了圈套,謂:「細佬試過微信被盗用account,叫人幫佢買增值電話卡。我當時收到訊息即刻覺得冇可能,即刻打畀佢問,就知道係被盗用,佢立即改密碼,通知所有朋友唔好信,好彩冇朋友受騙,我做咗一次破案Madam Kuo。之前都聽過好多呢類騙案,希望大家收到呢啲訊息都要小心確認!」