伍詠薇談當年練海棠出軌:若再有第三次唔會再包容

撰文:吳子生
出版:更新:

伍詠薇同練海棠結婚19年,曾經歷過老公懷疑出軌事件,當時不停被追訪再加上感情受打擊,伍姑娘一定承受好大壓力。7月1日就係佢地結婚19周年紀念,伍姑娘透露當日會同老公去旅行慶祝。

7月1日是伍詠薇練海棠結婚19周年。(吳子生攝)

談及當年老公出軌事,伍姑娘直言:「當知道個一刻,自己承受好大壓力,因為你愛嘅人,從記者口中得知佢愛緊第二個人,其實嗰刻個人真係會「震」,嗰一刻我真係需要平靜落黎,沉澱左之後,我覺得需要同佢溝通下先,最後我覺得一對關係,一係就係一齊,一係就分開,冇咩冷靜期架,到最後我選擇左包容,並不等如信任,因為成件事係好實在。」

伍姑娘講明,若有第三次出軌,就會選擇放手。(吳子生攝)

一對夫妻相愛會是一種緣份,能夠走在一起並不容易,有時候相處耐左感情都會變淡。伍姑娘坦言:「如果再遇到老公第三次出軌,我唔會再包容,我唔係神仙,假如佢祕密進行俾你發現的話,係冇分別嘅,咁不如做番朋友,可能大家嘅關係更好,我地可唔可以再行落去一生一世,依家我唔能夠保證。」