【多圖】Coffee林芊妤曬婚紗相 大肚5個月腰圍25吋好驚人

撰文:黃梓恒
出版:更新:

林芊妤(Coffee)早前公開宣佈與銀行高層男友「雙囍臨門」,將會在年中便會成婚,早前Coffee跟男友到菲律賓旅行,雖然已經大肚,但著住三點式依然身材Fit爆。而結婚這種一生難得的日子,影相留念當然是必要的,Coffee和男友都不例外,今日就在其網上平台Post出了一些一個月前拍攝的婚紗相(即4個月時影的),雖然已經大肚,但依然影得相當靚,大家都非常好奇Coffee點解條腰仲係咁瘦,在接受《香港01》訪問時,表示已肥了很多,她說:「點解大家都想知我個肚係咪封住咗?哈哈,我本身條腰得21.5吋,我而家25吋喇,肥咗好多,可能本身冇乜脂肪,其實個肚已經好大㗎喇,而家5個月喇。」

早前去旅行散心,完全唔覺大肚。(Instagram圖片)

除了相,她還在其post上發出感言,她表示原本是不想拍婚紗相的,因為:「以前經常穿婚紗去活動和拍照,而我對婚禮又沒什麼憧憬,所以本來連結婚相也不想影,但想留個念所以還是要拍。」不過最終都是完成了整套拍攝,但只用了半小時,「我們倆都當是例行公事,不夠半小時我們就覺得無聊了,只顧想著下午吃什麼好吃,像兩個小朋友去公園玩那樣,反而要感謝攝影師的堅持,令我們能順利完成拍攝,謝謝我Sis為我弄的花兒。」

真係唔覺有肚。(Instagram圖片)
+4

一齊重溫當年21吋的Coffee喇!

+5

Coffee林芊妤曬索爆大肚比堅尼look 點睇都唔似已經陀B近5個月

28歲林芊妤陀B三個月 入紙申請結婚:預產期會是11月