【深宮計】周秀娜古裝扮相有韻味 網友讚有力挑戰迪麗熱巴
撰文：鄺鈺瑩
出版：更新：
周秀娜終於一嘗拍古網宮鬥劇的感覺。（網上圖片）
無綫重頭劇《宮心計2深宮計》播出兩周，萬眾期待的周秀娜終以純熙身份亮相，首次拍攝古裝劇集的周秀娜無論係初次登場的俠女純熙姑娘、到冊封為二品昭儀後的造型都可以話係既討好又充滿新鮮感，特別係侍寢一幕，一襲紅衣加上嬌憨嫵媚的模樣，足以讓人驚豔。周秀娜之前訪問時就話過一直都對宮鬥劇十分感興趣，奈何唔少導演都認為她外表時裝味重，所以一直與古裝劇無緣，但經過《深宮計》後，相信唔少導演都會改觀。雖然周秀娜因所屬嘅公司正在與TVB打官司而未能參與《深宮計》宣傳，但不少網友對她的演出抑或古裝扮相都十分期待。
得到陳煒的幫助，令周秀娜火速冊封為二品昭儀，有得侍寢皇上，當要搵返套紅色戰衣。(影片截圖）
其實周秀娜2013年都拍過一部《非狐外傳》的古裝電影。(影片截圖）
其實要做到宜古宜今一啲都唔易，講到圈中最適合古裝扮相的，一定唔少得女神迪麗熱巴，擁有維吾爾族血統的她，雖然看起來帶點混血兒感覺，但卻出奇地與古裝絕配，由《三生三世十里桃花》、《古劍奇譚》、《烈火如歌》到《秦時麗人明月心》，每次的古裝打扮都予人驚豔的感覺。但另一方面，迪麗熱巴的時裝造型都一樣迷人，看她日常街拍到早前令震撼日本網民心的女王扮相就可知一二。
迪麗熱巴的作品多以古裝劇為主，雖然並非套套都係大熱之作，但她在劇中的衣著打扮就一定係微博熱搜。（網上圖片）
即click圖輯睇娜姐古裝有幾靚
+8
再睇迪麗熱巴古裝有幾靚
+3