【東方華爾街】奸角圍埋睇結局 家英哥勁興奮：劇集為港爭回面子
撰文：陳栢宇
出版：更新：
《東方華爾街》來到第一季的結局篇，監製嚴嘉念（Cora）及導演黃國強（KK）特意約埋一班反派奸角如羅家英、張雷、張武孝、梁健平、張松枝、吳浣儀、何華超及梁嘉進等等率先睇結局，睇完就急不及待圍埋暢談劇集，而導演KK亦揚言為答謝大家，會舉辦慶功宴同再同所有台前幕後食返餐！
家英哥看畢結局後，禁不住讚賞導演，他說：「今次《東方華爾街》不論導演、監製、編劇都好好，質素好高，今次可以說是為香港增光，為香港爭回很多面子！」
羅家英看畢結局後，大讚劇集為香港增添Face。
一班演員異口同聲對《東方華爾街》的製作評價也很高，就此導演KK表示：「其實明明係劇集，最後搞搞下配音去東京、北京，mixing又去到泰國⋯⋯其實我都有壓力，Cora要求好高，由籌備到而家差不多3年，諗諗下自己都覺得這部劇有3套電影資源，單是演員已經可以分3套電影來拍！今次好的學習同嘗試，有公司、平台配合，聽到演員們讚賞，當然好開心！希望日後有多些機會其他同業交流。」
一班演員異口同聲對《東方華爾街》讚不絕口。