【深宮計】演技受網民激讚 劉心悠臉紅紅：真係㗎？
撰文：林迅景
出版：更新：
《宮心計2深宮計》中國內地點擊達17億，昨晚（6月18日）台前幕後聚首一堂舉行慶功宴上，劉心悠、馬𠗕偉、謝雪心、康華、張文慈等人均有出席。劉心悠首次擔正TVB電視劇的女主角就獲得好成績，當晚更看的出心悠心情十分之靚。馬𠗕偉現身時更即場握手互相祝賀，但心悠竟即時臉紅紅，唔知係咪見到皇上怕羞呢？
劉心悠昨晚真係好開心。（林迅景攝）
《宮心計2深宮計》播出後，有不少人勁讚心悠角色鮮明又可愛，深得觀眾歡心。劉心悠臉紅紅的說：「吓，真係㗎？好熱吖。其實我都好感恩同小青第一次合作，戲中嘅戲服同造型真係配合得好好，其實我自己拍嘅時候，好多人都話似美圖秀秀，呢個都係全部人不眠不休努力出嚟嘅效果，所以我好開心大家鍾意戲中造型，多謝。」
話咁快《宮心計2深宮計》就17億點擊。（林迅景攝）
今次《宮心計2深宮計》得到好收視，劉心悠會否考慮下輯繼續參加拍攝呢？心悠：「我想㗎，不過我要進修一年，主修廣東話，好好哋調整自己口音。始終廣東話唔係我第一語言，時裝可以口語化，但係古裝一定文縐縐，我覺得身為一個演員有時間一定要凖備自己嘅武器。」心悠真係好努力吖，難怪觀眾咁支持佢。
昨晚劉心悠（飾演妹妹元玥）仲同謝芷倫（飾演姐姐元瑈）相認返添。（林迅景攝）