《傳說對決》尹詩沛自認「宅女」:打機時好似坦克車保護隊友

撰文:賴家杰
出版:更新:
Nicole講到如果有人做佢男朋友會好開心,因為會陪另一半打機。(賴家杰攝)

尹詩沛(Nicole)出席今年動漫節記者招待會,Nicole好開心能夠擔任TVB動漫大使-Godlike Girls其中一員,時代唔同咗大家唔好以為打機只係男仔專利,其實女仔一樣咁叻,Nicole就係其中一個打機好叻嘅女仔,Nicole講到:「平時最鍾意同朋友一齊《傳說對決》,自己升牌位都幾高下,佢哋都畀咗一個稱呼我,叫我「大奶媽」,因為遊戲裡面我會做坦克保護佢哋。」Nicole都解釋道點解會咁熱愛打機,因為佢本身好宅,「由細到大都熱愛打機同睇動漫,所以今次做到大使好開心。」

Nicole都自爆打機時候朋友都叫佢做「大奶媽」。(賴家杰攝)

「宅」呢一個字眼通常俾人感覺係一個貶義詞,但對於Nicole嚟形容佢嘅話反而覺得係褒義詞,點解呢?Nicole直言:「自己本身個樣好壞,宜家大家都知道我咁宅,大家應該喜出望外呀!」重點Nicole講到如果同佢拍拖嘅男朋友會好幸福,因為會陪伴佢一齊打機。Nicole感覺畀人爽朗,就講打機方面其實會睇到一個人嘅個性,Nicole都自爆係屋企打機都難免會講少少「粗口」,「相信大家聽到我把聲就知道我會講下粗口,我會暗暗地喺屋企講或者同朋友打機都會講嘅。」Nicoe面對外人時當然自己會收斂一下,更講到自己唔出聲時候感覺好斯文,唔信嘅話大家就睇下片。