楊丞琳吊鹽水Po「四無素顏相」一樣索 「一年沒生病一病就不輕」
撰文：洪曉璇
出版：更新：
Rainie出道以來個樣都無咩變，只係女人味愈來愈重。（楊丞琳IG）
呢個世代，有圖有片都唔叫有真相，手機APPS撳個制，去黑眼圈、磨皮、去痘乜都得，再懶啲一鍵完成，得咗﹗楊丞琳自16歲出道，觀眾睇住佢大個樣真係無咩點變，最多係順眼咗靚咗，增添唔少女人味。Rainie亦不時分享「素顏」照，對自己相當有信心咁噃﹗不過原來之前啲素顏相都係做過手腳㗎﹗呢日佢病住貼出兩張真正「四無」素顏（無修圖、無濾鏡、無美肌、無上妝），到底會係驚嚇定驚艷？
Rainie病到要去吊鹽水，令粉絲相當擔心。 （楊丞琳IG）
RAINIE上載「四無」素顏照報平安。（楊丞琳微博）
Rainie尋日忽然上載一張吊鹽水嘅相，寫上「再來打一次點滴，一定會好得更快。」原來佢已經病咗好幾日，令粉絲相當擔心，其後佢再po出兩張「四無」自拍照報平安：「我很好，用兩張超級”無修圖””無濾鏡””無美肌””無上妝”難得完全真實的照片 向你們報平安。不要擔心我喔﹗一年沒生病，果然一病就不輕，現在好了百分之八十五。」
「無修圖、無濾鏡、無美肌、無上妝」，大家又覺得靚唔靚？（楊丞琳IG）
好多女仔上載所謂嘅素顏相，無上BB CREAM畫下眉，都會同APPS輕輕執走啲瑕疵，呢次Rainie「四無」素顏上陣，眉毛整齊皮膚滑溜毛孔幼細，只係有小小黑眼圈同眼袋，網友大讚好似學生一樣咁清純﹗不過有忠實粉絲發現Rainie嘴角上嘅痣唔見咗，本尊亦回應話之前已經點掉：「但它應該還是會長回來。」
其實Rainie不時有上載素顏照，不過輕輕執下光暗在所難免。（楊丞琳IG）
+3