楊明若結婚生幾多個先夠? 莊思明:呢方面冇壓力

撰文:賴家杰
出版:更新:
楊明與女友莊思明出席好友李漫芬女兒嘅百日宴。(葉志明攝)

楊明與女友莊思明出席好友李漫芬女兒嘅百日宴,二人都稱禮物方面應該折現,因為BB大得好快,開頭都想買衫褲鞋,但想一想都唔太好,倒不如現金啦。二人都開始經常出席朋友婚禮或百日宴,問到會唔會都想快少少生返一個?楊明都表示結咗婚都想生小朋友:「起碼要一個兒子和一個女兒」思明聽完男友咁講都唔會有壓力,因為本身都鍾意小朋友。在旁楊明聽到後笑說:「可能佢覺得唔夠呢?」

楊明希望要一個兒子一個女兒。(葉志明攝)

早前莊思敏獲國際美洲大學頒發「榮譽工商管理博士」及「禮儀顧問」兩項名銜,但有網民質疑呢個資格,亦到喺思明社交網站進行罵戰,思明都有留到呢一件事情發生:「唔係同我鬧交,有啲人支持佢有啲人就唔支持,其實我有回覆嗰個質疑佢嘅網民,我問佢有冇聽過一樣嘢叫榮譽博士,你唔洗實則好似一個人讀PHD咁日日番學,榮譽博士就係人哋覺得你受得起就可以,係呢一間學校選擇頒畀佢,我哋又唔會特登去質疑番呢間學。」思明都講到家姐唔會因呢啲事唔開心,因為佢係開心果。