【BB來了】林穎彤努力擺脫《流行經典》陰影 終於有主題曲唱？
撰文：鄺鈺瑩
出版：更新：
明明係因為《城寨英雄》而為人所認識，但簽星夢之外，Bella就反而無乜點拍劇，改為做綜藝。最新一輯《Ben Sir睇樓團》佢都有份。（網上圖片）
因為拍城寨英雄而被大家認識嘅林穎彤（Bella)，去年正式簽約星夢，當時唔少網民都估公司會為Bella安排唱主題曲的機會，而佢接受訪問時亦都表示唔會辜負老闆何哲圖，一年過去，近日網上就有消息指Bella將會獻唱大台下月播出的《BB來了》主題曲《來也匆匆離去》，而維基百科亦有此項記載。
林穎彤今年4月在《流行經典50年》留下一地負評。
之不過，求證於Bella時，她似乎十分驚訝。「吓！無喎，我自己都唔知。」她表示公司最近是有意讓她錄歌，但由於仍在計劃階段，所以仍未知道歌曲會「放喺邊」，至於會否是之前錄下的作品呢？Bella就好肯定咁話:「自己目前未有一首完整的作品。因為我仲係好新，所以應該係想睇我錄成點。」今年4月，Bella在《流行經典50年》翻唱張栢芝的《任何天氣》，結果惹來負評，或者公司都唔係咁放心，所以遲遲都未有落實的唱歌計劃給予Bella。或者自知歌喉麻麻，所以Bella都努力學唱歌，成果如何呢？「都係要多練習，因為唔係上完堂就真係識唱。」問到恨恨唔恨主題曲，Bella就話由於呢個係直接接觸觀眾的方式，所以相信「個個都會想唱。」
李佳芯同黎諾懿擔正的《BB來了》下月播出，維基百科就寫到主題曲係由林穎彤主題，但佢就話自己其實仲未錄音，所以應該唔會係。
提到簽約星夢後，Bella似乎主攻綜藝節目，她表示自己也對綜藝感興趣，至於劇集的話，就交留有經驗的公司同事去安排。無論係唱歌定拍劇都係要等公司安排，難道Bella無聽過「成功係要靠自己爭取」的嗎?
+4