【今晚見】王馨平重提前男友鄭嘉穎：我都好鍾意陳凱琳

王馨平近年頻頻出現在歌壇上，最令人印象深刻的是，在上年慈善騷《博愛歡樂傳萬家》上，王馨平上台獻唱，不過觀眾們卻不能專心在她的歌聲，事關她穿着了一件中間開胸的衣服，豐滿的雙峰半露在人間，各位觀眾都睇到嘩嘩聲。其實當晚除了王馨平之外，她的前男友鄭嘉穎也帶同了女友陳凱琳同場，王馨平盛況上陣似乎有種爭奇鬥艷的感覺，令人不禁想道：「究竟係咁啱定係專登呢？」

事隔一年有多，王馨平在今個星期到訪亞視節目《今晚見》做嘉賓，被司儀梁思浩重提舊事，直問究竟還會否介意傳媒將她和前男友鄭嘉穎拉在一起，王馨平表示：「有咩好驚呢？已經係過去嘅事情，佢哋而家都好好，我都好鍾意個女仔。我哋（鄭嘉穎）都仲係好朋友，會約出嚟食飯，所以無乜需要避忌。」

當然，上年的慈善騷事件成為當時熱話，在節目中亦有被提及，王馨平就澄清：「第一，我不嬲話自己係好夠膽嘗試嘅人，今次啲人應該都信喇，係咪先？當時個監製話個舞台會好靚，叫我可以有啲衫配合，咁我有個台灣設計師朋友，合作過幾次，就叫佢幫我做件衫。開show當日朝早件衫送到嚟，其實都已經無得換，但我當時係覺得ok嘅，我係唯一無諗到，今次係電視播放，會zoom up。咁點算呢？唔著都著咗喇。」

王馨平前度係鄭嘉穎 慈善騷性感硬撼陳凱琳

王馨平戀鄭嘉穎遭父拆散 分手後即嫁富貴老公

不過最令觀眾感到好奇的是，究竟她是否真的為了跟陳凱琳鬥靚，所以才穿成這樣呢？「真係唔係，開頭監製搵我嘅時候，我都無問到有咩人會到場，個節目搵得我，我咪做好自己嗰part，我使乜理搵咗咩人，所以其實係無預謀。作為一個女藝人，聲、色、藝係要喺舞台上要做嘅嘢，至於套衫出嚟，引起話題，都無辦法。」王馨平指跟鄭嘉穎已經是多年前的事，既然現在已經做回好朋友，大家也不要作無謂的猜想了。